Состојки:
500 г мелено месо
1 кромид
1-2 чешниња лук
Две кришки стар леб натопен во вода
Мешавина од зачини
Сол, бибер, куркума, црвен пипер, италијанска мешавина од суви зачини (рузмарин, босилек, мајчина душица)
1 живо јајце
4 варени јајца
Маслиново масло
50 г сланина
Неколку кисели краставички
Приготвување:
- Меленото месо измешајте го со ситно исечканите кромид и лук, 1 јајце, лебот претходно натопен во млака вода и убаво исцеден, зачините и маслиново масло.
- На фолија која ќе ја намачкате со масло ставете ја смесата од месо и формирајте правоаголник со дебелина од околу 1 цм.
- Врз месото наредете парченца тенко исечена сланина и неколку стапчиња кисели краставички а потоа и варените јајца.
- Со помош на фолијата завиткајте го месото во ролат и ставете го во подмачкана тава да се пече на температура од 200 степени.
- По 20 минути, одвиткајте ја фолијата и оставете го ролатот да се запече уште 15-20 минути.
