Состојки:
За пандишпанот:
210 г грав
4 жолчки
210 г шеќер
70 г мелени ореви
100 г топено чоколадо
4 белки
За филот:
2 пудинзи од ванила
½ л млеко
200 г шеќер
1 јајце
За глазурата:
200 г чоколадо
Малку путер
Малку млеко
Приготвување:
- Гравот се вари, се цеди и се пасира.
- Се матат жолчките и шеќерот, се додаваат мелени ореви, 100 грама стопено чоколадо и се додава пасираниот грав.
- Белките се матат во цврст снег и се додаваат на претходната смеса.
- Сето ова се пече во рерна на 250 степени, 15 минути, а потоа температурата се намалува на 150 степени и се пече уште час и половина.
- Испечениот и изладен пандишпан се сече на половина со конец.
- Филот се подготвува такашто се варат два пундинзи од ванила во половина литар млеко и се остава да се излади. Во друг сад се мати еден путер со 200 грама шеќер и едно јајце, а потоа се меша со изладениот пудинг. Целиот фил се става помеѓу двата дела на пандишпанот и тортата се става на кратко во замрзнувач.
- Глазурата се прави такашто 200 грама чоколадо со малку путер и малку млеко се топат на пареа и со растопената смеса се прелева изладената торта.
