Овој начин на правење на сладолед е особено интересен за децата па можете да ги вклучите и нив во процесот на правење.
За подготвување на сладолед од ванила ќе ви бидат потребни:
2 лажици светло кафеав шеќер
200 мл млеко
Малку прав од ванила
100 г сол (може и камена)
Мраз
Вреќичка со затварач од 4 литри
Вреќичка со затварач од 2 литри
Ако сакате некој друг вкус, додадете по желба чоколадо, овошје, јаткасто овошје …
Приготвување:
Помешајте ги шеќерот, млекото и ванилата. Ставете ја смесата во помалата вреќичка и проверете дали е добро затворена.
Сега малку магија: Помешајте ги солта и мразот и ставете ги во поголемата вреќичка. Потоа помалата вреќичка со смесата од млеко и шеќер сместете ја во поголемата, со смесата од мраз и сол.
Добро затворете ја и почнете да ја тресете околу 5 до 8 минути.
Вашиот десерт е готов!
Со ладна вода исплакнете ја вреќичката со готовиот сладолед за да се измијат остатоците од солта.
Отворете ја вреќичката, и послужете се!
