Состојки:
За тестото:
125 мл млеко
400-450 г брашно
1 кесичка сув квасец
50 г шеќер и 1 лажица
1 јајце
1 жолчка
½ лажичка сол
Кора од 1 лимон, ситно рендана
50 г омекнат путер
Состојки за филот:
200 г лешници
10 г пињоли
100 г суво грозје
3 полни лажици пекмез од сливи или кајсии
Кора од портокал, ситно рендана
1 лажица какао
1 лажичка цимет
3 лажици црвено слатко вино
За премачкување:
1 јајце
Приготвување:
- Во млако млеко растворете го квасецот и ставете лажичка шеќер. Оставете на топло да нарасне.
- Во длабок сад ставете ги брашното, шеќерот, јајцето, жолчката, кората лимон и солта и измешајте. Додадете го стасаниот квасец и замесете средно меко тесто кое не се лепи за раце. Месете го десетина минути и оставете го 1 час да нарасне.
- За тоа време подгответе го филот. Ставете ги сите состојки и измешајте.
- Тестото префрлете го на набрашенат површина на масата и развлечете го во правоаголник со димензии 25×45 цм. Премачкајте го со филот и оставете по 2 цм од секој раб празни. Внимателно завиткајте го во форма на полжав и префрлете во калапот за печење обложен со хартија за печење. Покријте го со проѕирна фолија и оставете го нарасне уште 1 час.
- Тестото премачкајте го со изматено јајце и печете 25 минути на 180°C, па намалете ја температурата на 150°C и печете уште 25 минути покриено со хартија за печење.
