Во Кичево денеска се одржа семинар во рамките на оперативната програма за развој на човечки ресурси, што е во рамки на поттикнување на социјалната инклузија под наслов „Кујна на тркала“, финансиран од Европската унија.
„Основна цел на проектот е креирање на можности за вработување на млади лица со попреченост и достава на топол оброк за стари и изнемоштени лица во рурални подрачја особено на територијата на општина Македонски Брод“, вели проект координаторот Ирена Бошески.
Главни цели на овој прект се зајакнување на капацитетите на младите лица со попреченост, потоа нивна поддршка како и креирање на работни места за нив. Со овој проект е предвидена помош и грижа за стари и изнемоштени лица кои живеат во планински рурани средини преку секојдневна посета и достава на топол оброк.
