Состојки:
200 мл млеко
20 г квасец
350 г брашно
1 лажичка шеќер
2 лажици масло
малку сол
За филот:
1 лажица путер
200 г несолено сирење
2 лажици шеќер
100 г суво грозје
1 жолчка за премачкување
1 ванилин шеќер
Приготвување:
Замесете меко тесто. Оставете го да нарасне 20 минути, а потоа ставете го на масата поросена со брашно. Расукајте го во правоаголна форма и премачкајте го со омекнат путер.
Врз путерот ставете го сирењето (може тоа да биде урда) во кое ќе додадете 2 лажици шеќер и 1 ванилин шеќер. Поросете со суво грозје. Завиткајте го во ролна и исечете ја на рплатчиња на околу 2 цм.
Наредете ги во подмачкана тава. Покријте ги да се одморат и премачкајте ги со жолчка од јајце во која сте додале малку масло и лажица млеко.
Печете на 180 степени околу 30 до 40 минути.
Фото: Pexels