Постојаната кашлица навистина може да биде исцрпувачка. Но, постојат многу природни лекови за кашлица кои помагаат да се ублажи непријатноста и да се запрат нападите на кашлaње. Но, пред да прочитате како да престанете да кашлате, важно е да одредите каков тип на кашлица имате.
Видови на кашлица
Постојат две главни класификации на кашлицата. Првата е сува кашлица која не произведува слуз. Оваа кашлица може да се појави еднаш или двапати на ден или се случува често.
Друг тип на кашлица е продуктивната кашлица, кога при кашлањето се создава слуз и надразнувачи. Кашлицата може да биде симптом на многу работи, вклучувајќи настинки, бронхитис, пневмонија и туберкулоза. Доколку имате постојана кашлица која трае некое време, консултирајте се со лекар кој ќе одлучи како најдобро да ја лекувате.
Ако имате некој од следниве симптоми со кашлица, задолжително кажете му на вашиот лекар:
покачена температура и густа слуз која се искашлува од белите дробови
другите симптоми исчезнуваат, а вие продолжувате да кашлате
промени во типот на кашлица
кашлате крв
кашлањето го попречува вашиот секојдневен живот или спиење
кашлицата е придружена со отежнато дишење или болка во градите.
Природни лекови за кашлица
Пискавицата (тилчец), ѓумбирот, лукот и ехинацеата се добри за зајакнување на имунолошкиот систем, ја зголемуваат активноста на белите крвни зрнца, имаат антибактериски и антивирусни својства, ја намалуваат температурата и застојот, ги ублажуваат симптомите поврзани со настинка или грип.
Природните лекови можат да бидат ефикасни во лекувањето на кашлицата, но само ако се користат правилно и во вистинската доза. Бидете внимателни кога мешате природни лекови и лекови на рецепт и без рецепт.
Испијте чаша топла вода со сок од лимон и мед. Тоа е одличен начин да се зголеми внесот на течности, а медот е природен антибиотик.
Пијте билни чаеви, како што се чај од тилчец, шипка, ехинацеа, лимон и ѓумбир.
Вдишувањето на пареа со неколку капки масло од еукалиптус може привремено да го ублажи затнувањето на носот поврзано со обичната настинка. Ставете крпа над главата и вдишувајте ја пареата 10 минути.
Ананасот помага во разградување на слузот и загушувањето бидејќи содржи состојка наречена бромелаин, која има антиинфламаторно дејство.
Пијте најмалку два литра течност дневно. Дехидрацијата ќе го забави времето на закрепнување и ќе ја намали количината на токсини што ќе се излачуваат преку бубрезите.
Вклучете лук, ѓумбир, чили пиперчиња и рен во вашата исхрана бидејќи тие ќе ги исчистат дишните патишта.
Одморете се и спијте доволно за вашето тело да може да се опорави.
