Зелката има повеќе витамин Ц и од портокалите, а богат е и со минерали како магнезиум, железо, фосфор, калциум, калиум и натриум, а содржи и фона киселина.
Од неколку видови на зелка, најчести се црвената и белата, но поздрава е црвената. Најдобро е да се јаде сирова или само кратко проварена. Ако ја јадете сирова, помага за анемија, несоница, депресија и анксиозност. Добар е и за артритис и реуа, астма и бронхитис. Го подобрува варењето, а помага и при слабеењето. Го јакне имунитетот, го чисти организмот, а ја подобрува и концентрацијата.
Еве што можете да направите од зелка како брз и здрав оброк.
Состојки:
Пола главица зелка
1 кромид
2 моркови
Сол, црн пипер
Други зачини по желба (коријандер, ловоров лист, црвен пипер)
1 пакување сос од домати
Приготвување:
- Исечете ја зелката на резанки и ставете ја да се вари во тенџере со вофа. Во друго тенџере издинстајте го кромидот кој претходно ситно сте го исечкале и пред крајот на динстањето додадете лажичка шеќер и оставете го да се карамелизира.
2. После 15 минути извадете ја зелката од водата, исцедете ја и ставете ја кај кромидот да се динста. Ставете ги и морковите исечкани на тркалца, а по неколку минути додадете го сосот од домати и зачините и оставете се заедно да динста 20-25 минути и повремено, по потреба, долевајте вода.
Ова вариво би требало да биде малку погусто, а одлично оди со пире од компири. Ако сте љубители на месо, можете во зелката да додадете и варено јунешко исечено на коцки.
