Состојки:
За кората:
4 јајца
100 г кафеав шеќер
1 ванилин шеќер
100 мл зејтин
70 г брашно
30 г какао
½ прашок за пециво
За кремот:
500 мл павлака за шлаг
300 г чоколадо за готвење
200 г млечно чоколадо
Приготвување:
- Помешајте ги сувите состојки за кората.
- Белките изматете ги со малку сол, а жолчките со шеќерот и со ванилиниот шеќер па додадете им го зејтинот, и наизменично додавајте по малку од изматените белки и по малку од сувите состојки и полека мешајте додека сите состојки не се соединат.
- Ставете хартија за печење на дното од калапот за печење па истурете ја смесата и печете околу 15-20 минути на 180° C. 4. Оставете го тестото во калапот 15-тина минути да се разлади и во меѓувреме пригответе го кремот.
- Ставете ја во тенџерче павлаката и искршеното чоколадо и загревајте на тивок оган додека чоколадото не се стопи. Прелијте го кремот преку млакото тесто.
- Тортата оладете ја до крај на собна температура а потоа во фрижидер, најдобро преку ноќта.
- Украсете со чоколадни зајчиња и јајца, а можете да ставите и малку зелен кокос (кокос обоен со зелена прехранбена боја за колачи, течна или во гел) како имитација на трева.
