Повеќето од овошјето и зеленчукот што ќе ги купите од пазарите се полни со пестициди. Некои луѓе не го сфаќаат ова сериозно и ги консумираат без да размислуваат дека подоцна тие можат да им предизвикаат голем број на здравствени проблеми. Еве 6 едноставни трикови за да ги измиете пестицидите од вашата храна.
- Измијте ги со топла вода
Темелното миење во топла вода може да помогне овошјето и зеленчукот да се ослободат од токсините пред да се консумираат. Многу топла или многу ладна вода нема да ви помогне да ги отстраните. Наместо тоа, користете топла вода за да ги измиете. Топлата вода ќе помогне во отстранувањето на восокот, лакот и други хемикалии кои се на површината од овошјето и зеленчукот, без да ги оштетат.
- Исплакнете ги во солена вода
Потопете го зеленчукот и овошјето во голем сад со вода и додадете половина лажичка сол во неа. Измијте ги добро во садот, и исплакнете ги со чиста вода. Најважно е да се запомни дека производите треба секогаш да се измијат пред готвење, без разлика од каде доаѓаат.
- Измијте ги во разреден оцет
Повеќето пестициди се апсорбираат од страна на кората. Најдобар начин за да ги отстраните е да ги измиете производите со разреден оцет. Само една лажичка оцет разредете со вода во голем сад за овошје. Оставете ги производите внатре некое време, а потоа исплакнете ги под млаз вода.
- Излупете ги
За овошјето и зеленчукот како кромид, компир, авокадо, јаболка, портокали, ѓумбир, манго, моркови, репка, цвекло, итн, е лесно да се излупат. За да бидете сигурни дека се добро ислистени, измијте ги со вода пред и по лупењето.
- Направете домашен спреј за чистење
Измешајте една лажица сок од лимон со две лажици сода бикарбона и добро измешајте. Потоа оваа смеса се разредува со една чаша вода. Со ова можете да ги испрскате вашето овошје и зеленчук за да ги исчистите од пестициди. Чувајте ја смесата на ладно место.
- Исчистете ги со крпа
Употребете влажна крпа натопена во топла вода за да ги избришете плодовите откако ќе ги измиете со вода. Чистењето на зеленчукот и овошјето со убава чиста крпа ги отстранува сите остатоци што уште се држат на нивната површина.
