Лукот е една од најмоќните билки на светот благодарение на силните лековити својства. Познат е како природен антибиотик, а дека е навистина лековит потврдуваат и стручњаците. Во него се наоѓаат речиси стотина активни хемиски соединенија, а меѓу нив и неколку антиоксиданси – соединенија кои го намалуваат трошењето и оптовареноста на клетките на организмот.
Сѐ уште не е сосема јасно како сите составни делови на лукот делуваат во телото, но тој навистина дејствува како антибиотик, средство за одзатнување на дишните патишта, антиканцерогено и противвоспалително, ги сизбива габите и одделни вируси. За сите свои лековити својства, лукот може да му заблагодари на своето моќно соединение алицин со кој оваа билка заштитува од напад на бактерии и габички.
За да се искористи на најдобар начин благотворното дејство на лукот, би требало често и правилно да се консумира.
- Пред консумирањето задолжително згмечете го за да ја поттикнете ензимската реакција во која настанува алицинот.
- Секој ден јадете најмалку три чешниња лук.
- Најдобро е да се консумира во сирова состојба.
- Ако го обработувате термики, тоа нека трае кратко, не повеќе од 10 минути.
- Многумина избегнуваат да го јадат поради јакиот мирис. Важно е да се знае дека е тој последица од материите кои содржат сулфур и кои му даваат лековити свосјтва. Затоа, проблемот на непријатен здив можете да го решите џвакајќи магдонос, зрна кафе анасон.
Фото: Pixabey
