Ако сте вегетаријанец или само сакате да направите оброк без месо, испробајте го овој хит рецепт за хамбургер кој ќе ги задоволи и најпребирливите непца.
Состојки:
240 г варен црн грав
1 црвен кромид
75 г сечкани ореви
1 морков
2 белки
Малку сол
1 лажичка ким о прав
1 лажичка црвен пипер
100 г презли
4 пецива за хамбургер
Додатоци за хамбургерите:
Црвен кромид исечен на тркалца
Зелена салата
Домат
Кечап
Павлака
Сенф
Приготвување:
- Во поголем стаклен сад со вилушка згмечете го гравот и додадете му ги кромидот, оревите, ренданиот морков, белките, презлито и зачините.
- Од смесата обликувајте плескавици и наредете ги во подмачкана тепсија за печење. Печете ги 20-тина минути во загреана рерна на 200 степени.
- Расечете ги пецивата и премачкајте ги со смеса од павлака и јогурт. Додадете зелена салата, плескавицата, кромид и домат и послужете ги.
