Состојки:
½ пакување готови кори
4-5 јаболки
2 јајца
1 прашок за пециво
1 ванилин шеќер
200 мл јогурт
1 филџан зејтин
1 филџан гриз
1 филџан кафеав шеќер
Цимет, каранфилче, ѓумбир
Приготвување:
- Јаболките се лупат и се рендаат.
- Од корите се издвојуваат три кори , две за дното од тепсијата и една за покривање
- Се подготвува филот такашто се матат со миксер јајцата, шеќерот, гризот, зејтинот, јогуртот, прашокот за пециво, ванилиниот шеќер и зачините.
- Во подмачкана тепсија се ставаат две кори како подлога а останатите се кинат и се ставаат во филот. Полека се промешува и се додаваат ренданите јаболка, повторно се промешува и се става врз корите. Се покрива се со последната цела кора која малку се гужва, се сече (или се боцка на повеќе места со вилушка) и се става да се пече во претходно загреана рерна на 180 степени. Се пече околу 25 минути.
