Има безброј јадења со тиквички, но еве уште еден рецепт за најобична брза пита од тиквички која можете да ја послужите за појадок, за вечера, но и како засебен оброк.
Состојки:
1 поголема тиквичка
500 мл јогурт
4 јајца
3 лажици обично брашно
2 лажици пченкарно брашно
½ прашок за пециво
1 чешне лук
Сол и црн пипер
10 г путер за подмачкување на тепсијата за печење
Зачински билки по вкус
Приготвување:
Исечкајте ги тиквичките на коцкички, посолете ги и оставете го 10 минути. Вклучете ја рерната на 200 степени.
Ставете во сад 4 јајца и изматете ги, па додадете јогурт и црн пипер, исечкан лук и зачински билки по ваша желба и сѐ убаво измешајте.
Со постојано мешање додавајте ги двете брашна и прашокот за пециво и внимавајте да не ви останат грутчиња.
Тиквичките додадете ги на крајот и ставете ја смесата во подмачкана тепсија..
Печете околу 25-30 минути, додека не добие златна боја.
Оваа пита е вкусна и кога е ладна, па можете да направите и поголема количина и да ја ставите во фрижидер.
