Состојки:
1 шолја брашно од хељда
1/3 шолја пченкарно брашно
Лажичка прашок за пециво
3 лажици мелен лен
1 лажичка сол
Црн пипер
½ лажичка мускатно оревче
3 јајца
1 шолја јогурт
Сок и рендана кора од пола лимон
3 лажици кисела павлака
100 г сирење
200 г сечкан спанаќ или блитва
рендани моркови
рендан кромид
За поросување:
Семки од тиква
Приготвување:
- Загрејте ја рерната на 180°C.
- Подгответе го зеленчукот такашто ќе ги излупите и изрендате морковите и кромидот. Спанаќот (или блитвата) поросете го со солта и оставете го да отстои додека ги подготвите сите состојки. Потоа добро исцедете го и исечкајте го и на минута ставете го во зовриена вода, колку да омекне. Исцедете го и исечкајте го.
- Измешајте ги сите суви состојки.
- Во голема чинија во која потоа ќе ги споите сите состојки, измешајте ги јајцата, јогуртот, павлаката, а потоа и ренданата кора и сок од пола лимон.
- Додадете ги сирењето, морковите, кромидот и спанаќот (или блитва), убаво измешајте, а потоа додадете ги и сувите состојки.
- Наполнете ги со оваа смеса модлите за мафини и поросете со семки од тиква.
- Печете во загреана рерна околу 20-25 минути.
