Оваа житарка, уште наречена и „семе на Инките„
потекнува од јужно американскиот континент. По самата своја природа, Киноа семето во себе не содржи глутен и со тоа е одлична исхрана за лица заболени од Целијакија. Покрај големо количество на белковини, Киноата е богата и со калциум и железо. Зрното, кое е со вкус налик на орев, одлично ќе ја надополни вашата салата, вашите вегански плескавици, како и многу други јадења од вашето секојдневие. Се приготвува на ист начин како и ориз.
Киноата како must во нашата исхрана!
Еден од поголемите проблеми во денешниот начин на прехранување е нерамномерната распореденост на киселините и базите. Конкретно, нашата исхрана е главно кисела, а со самото тоа многу малку базна. Кисела исхрана, во оваа смисла, на значи дека внесуваме навистина кисели продукти, туку дека овие намирници се на киселинска основа. Такви се на пример: повеќето видови месо, маснотиите, кафето, па дури и шеќерот. Тука станува збор за производи, кои го „претрупуваат„ нашиот организам со киселини, што може да доведе до зголемен ризик од бубрежни и срцеви заболувања, дијабетис, дури и рак.
Добрата порака: Киноата е база и со тоа помага во воспоставување на баланс во нашата исхрана.
Киноата помага при долгорочно слабеење
Со изобилие и разновидност на хранливи материи, Киноата ќе го снабди вашето тело со оптимално количество на храна за целиот организам.
Со Киноа против холестерол и шеќер во крвта
Благодарение на високото ниво на магнезиум и други базни материи, Киноата делува против создавањето на маснотии во крвта, а со тоа го намалуваат холестеролот, како и крвниот притисок и делуваат против ризиците за заболувањаво крвотокот.
Киноата ја победува мигрената
Главоболките и мигрената во голема мера се предизвикани од „прекиселувањето„ на организмот. Бидејки Киноата е база по природа, со самиот свој состав делува против овој процес и ги намалува неговите последици.
Рецепт за салата со киноа, ќе најдете овде.
