За овие рецепти, иако се здрави, не ви требаат еден куп скапи состојки, туку само неколку, нискокалорични и хранливи.
Најдоброто е тоа што не ви се потребни ниту млечни производи, ниту јајца и шеќер. Рецептите се од Nest&Glow .
Чоколадни браунис од сладок компир
Здрави колачиња кои е супер едноставно да се направат, а ви требаат само:
2 средни батати, околу 300 г
120 грама мелени бадеми
125 г темно чоколадо
Приготвување:
Исечете ги компирите и печете ги на 220 C 40 минути. Кога ќе се оладат доволно помешајте ги со стопеното чоколадо и со мелените бадеми. Ставете ја смесата во некој четириаголен сад, а потоа изладете ги барем 1 час.
Здрави плочки со вкус на јаболко и јаткасти плодови
Овие здрави плочки ќе ве заситат, а за вкусот да не зборуваме – јаболката и бадемите се одлична комбинација.
Состојки:
Три големи јаболка
90 г овесни снегулки
150 г бадеми
Приготвување:
Бадемите натопете ги во вода и оставете ги преку ноќта.
Загрејте ја рерната на 190C.
Излупете ги и исцедете ги бадемите. Излупете ги и исечете ги јаболката. Ставете сѐ во блендер и мешајте неколку минути додека сѐ не се соедини.
Раширете ја смесата на тепсија врз мрсна хартијa.
Исечете ја смесата на плочки и печете половина час, додека не добијат златна боја.
Извадете ги од рерна и оставете ги да се оладат барем 10 минути.
По желба додадете сечкани банани или чоколадо.
Чоколадни бомбици со вишни
Дебел слој чоколадо, вишни и јаткасто овошје е сѐ што ви треба за да го добиете овој неверојатен вкус.
Состојки:
90 г сушени вишни (може и вишните кои ви останале од вишновка)
75 г мелени ореви, бадеми или лешници
50 г чоколадо
Приготвување:
Вишните и мелените јаткасти плодови по ваш избор, ставете ги во блендер.
Чоколадото стопете го.
Од вишните и оревите формирајте топчиња (ќе добиете околу 18). Со помош на лажица натопете ги топчињата во стопеното чоколадо, истресете го вишокот и ставете ги во фрижидер да се стегнат.
Фото: Pexels
