Ако ги направите подебели, ќе бидат поубави за јадење, ама не се лоши ниту вакви, тенки и крцкави.
Состојки:
100 г кафеав шеќер
179 г путер на собна температура
1 јајце
1 лажичка арома од ванила
260 г брашно
прстофат сол
пола лажичка цимет
пола лажичка ѓумбир
100 г мелени ореви
рендана кора од 1 голем портокал
Приготвување:
Изматете ги со миксер путерот и шеќерот, потоа додадете ги јајцето и аромата од ванила. Додадете ги и останатите состојки и замесете го тестото со рака, но само колку да се соединат состојките. Завиткајте го во проѕирна фолија и оставете го во фрижидер барем на 2 часа или преку ноќ.
Разладеното тетсо расукајте го на набрашнета површина до саканата дебелина и вадете облици со помош на калапчиња за колачи. Редете ги колачите на тепсија обложена со мрсна хартија за печење.
Печете ги на 170°C околу 7-10 минути. Оставете ги да се оладат, а потоа украсете ги по желба.
Со растопено чоколадо и со сечкани ореви или лешници или пак со растопен шеќер со.рум.
