Сочни и киселкасти идеални се за правење на мармалад. Затоа, следниот пат кога ќе ги видите некаде, застанете и наберете си барем половина килограм и испробајте го рецептов.
Состојки:
500 г сливи
300 г праски
400 г шеќер
Сок од 1 лимон
1 лажичка свежо рендан ѓумбир
Приготвување:
- Измијте ги сливите и праските, отстранете ги семките и исечете ги на половина (праските и на повеќе делови)
- Ставете ги во тенџере заедно со шеќерот, сокот од лимон и ѓумбирот и варете на средна температура додека смесата не проврие.
- Тргнете од оган и измешајте ја смесата со миксер.
- Продолжете да варите уште 20 до 25 минути, па додека е уште врел, наполнете ги стаклените тегли и добро затворете.
