За разлика од алкохолот, не постои минимална возраст за засладени газирани пијалаци, а тоа се пијалаците кои според новото истражување повеќе му штетат на црниот дроб.
Заклучокот го донеле професорите од Медицинскиот универзитет во Бостон и бил објавен во списанието Clinical Gastroenterology and Hepatology.
Ова било засновано на дел од студија спроведена од 1948 година во градот Фрамингем, Масачусетс, како дел од таканаречената „Фрамингемска студија за срце“, која оттогаш го проучува влијанието на начинот на живот (како што се пушењето и исхраната) врз здравјето.
Во новообјавениот заклучок, истражувачите истакнуваат дека ги набљудуваат учесниците од 2002 година, со просечна возраст од 63 години и 48 години. Нешто повеќе од половина од учесниците биле жени.
Волонтерите кажале колку често пијат засладени газирани сокови, а експертите проучувале колку е чест безалкохолен стеатохепатитис или замастен црн дроб.
Безалкохолниот масен црн дроб може да предизвика цироза на црниот дроб, но и побенигни проблеми како што е зголемен црн дроб, што пак предизвикува болка.
Безалкохолниот стеатохепатитис може да се спречи со исфрлање на засладените пијалаци од исхраната.
За често консумирање се смета сè што од еден и повеќе пати на ден до еден и повеќе пати неделно. Луѓето кои повремено пијат засладени пијалаци, односно еднаш месечно или помалку од еднаш неделно, имале малку повеќе наталожено масно ткиво во црниот дроб од луѓето кои не пијат такви пијалаци.
