Во последните 6 до 7 години се спроведени околу стотина студии за здравствените придобивки од консумирањето калинка, додека само дваесет се објавени во текот на 20 век. Ова потврдва дека калинката била неправедно запоставена од научниците со децении.
Во списанието Proceedings of National Academy of Sciences, во септември 2005 година била објавена студија за хепревентивното и хемотерапевтско дејство на сокот од калинка врз клетките на ракот на простата.
Истражувањата покажале дека калинката поседува силни антиоксидантни и антиинфламаторни својства. Научниците докажале дека екстрактот од плодот има способност да го запре растот и да ги убива клетките на ракот на простата „ин витро“.
Во септември 2005 година, Journal of Nutritional Biochemistry објавил студија за ефектот на сокот од калинка за спречување на оксидацијата на LDL холестеролот и спречување на атеросклероза. Истражувачите забележале како LDL холестеролот („лошиот холестерол“) се однесува во присуство на сок од калинка и забележале дека 40% помалку молекули на LDL холестерол се оксидираат во присуство на сок од калинка. Добро е познато дека оксидираниот ЛДЛ холестерол претставува значителен ризик за атеросклероза. Сокот од калинка во експериментите спречил некои други процеси поврзани со појавата на атеросклероза.
Бидејќи не се извршени клинички студии кај луѓе со оваа супстанца, не е позната дозата на активни супстанции од калинката за истиот ефект кај пациенти со рак на простата или атеросклероза. Сепак, резултатите се многу ветувачки и секако укажуваат на вклучување на калинката и сокот од калинка во секојдневната исхрана.
Силен антиоксидативен капацитет
Во Израел започнала лавина истражувања за позитивните ефекти на калинката, а вниманието кое калинката го добила во научните кругови во голема мера се должи на Мајкл Авирам, кој спровел голем број студии и добил извонредни резултати. Овој интересен научник своето истражување го претставил пред десет години во Хрватска, а најмногу се занимавал со проучување на антиоксидантната моќ на сокот од калинка.
Тимот на проф. Авирам открил дека сокот од калинка има силна антиоксидантна моќ, посилна дури и од црвеното вино и зелениот чај. Нивните прелиминарни студии покажале дека антиоксидативниот капацитет на сокот од калинка е дури три пати посилен од иста количина зелен чај или црвено вино. Заштитниот ефект се припишува на содржината на фитохемикалии: полифеноли, танини и антоцијани.
Според препораките на израелските научници, една чаша сок од калинка дневно може да го намали ризикот од кардиоваскуларни болести.
Хранлива вредност на калинката
Калинката по потекло е од Персија, а во превод од латински го носи името: „јаболко полно со семчиња“. Калинката е едно од првите култивирани плодови, покрај маслинките, смоквите, урмите и грозјето. Најверојатно потекнува од Иран, а поради тврдата кора бил лесен за транспорт и брзо стигнал до далечните делови на светот. Потребно е долго топло лето за оптимален принос, но исто така поднесува прилично студени зими и суша. Расте во јужните клими, плодовите зреат во доцна есен или рана зима.
Просечната енергетска вредност на 100 г калинка е 310 kJ (74 kcal). Таа е богат извор на калиум, а содржи и магнезиум, фосфор, калциум, железо, бакар. Од витамини содржи каротеноиди, некои витамини од групата Б и витамин Ц.
Да се јадат или да не се јадат семчињата?
Некои претпочитаат да ги џвакаат семчињата, а потоа да ги проголтаат заедно. Оваа навика може да се смета за корисна бидејќи семките содржат голем број на корисни материи, особено несварливи влакна. Во Индија, семките се сушат и се мелат во прав што се додава во јадењата со месо, за омекнување.
Други го цицаат сокот од зрната, а потоа ги цедат семките. Исто така, постои опција да се исцеди сокот од овошјето без да се мелат семчињата, но во тој случај голем дел од овошјето завршува како отпад. Изборот зависи од вас.
Како да одберете калинки
Раната есен е најдобро време за калинка, октомври и ноември се месеци во кои зреат, но најчесто е достапна до почетокот на зимата. Плодовите мора да бидат тешки, тркалезни со големина на портокал. Поголемите плодови даваат повеќе сок. Калинката повеќе не созрева откако ќе се набере, па нема да стане послатка ако ја чувате подолго.
Целото овошје може да се чува еден месец на ладно и суво место или два месеци во фрижидер. Исчистените зрна може да се замрзнат во кеса за замрзнување една година. Свежиот сок треба да се чува во фрижидер и да се испие за два до три дена.
Фото: Pexels
