Состојки:
100 г хељдино брашно
50 г рогач
150 г мелени ореви
100 г кафеав шеќер
1,5 лажичка прашок за пециво
2 лажички цимет
1 јајце
4 рендани јаболки
За прелив:
100 г црно чоколадо
3-4 лажици млеко
малку путер или 1 лажица кокосово масло
Приготвување:
Ставете ги во еден сад ренданите јаболки, шеќерот, циметот, прашокот за пециво и изматеното јајце (изматете го настрана со вилушка).
Измешајте ги одделно брашното, рогачот и мелените ореви и полека со лажица додавајте ги во првата смеса. Смесата претурете ја во подмачкан и набрашнет сад за печење и печете 30-35 минути на 180 степени.
Чоколадото, млекото и кокосовото масло ставете ги во сад и на рингла на пониска температура, додека не се растопи чоколадото. Преливот истурете го врз подизладен колач и уживајте во овој брз и лесен колач за кој не ви треба миксер, ниту едно чудо садови.
