Многу добар начин да обезбедиме резерви свежина за зимата е замрзнувањето на тиквички. Секогаш бирајте целосно здрави и млади тиквички за замрзнување, никако презреани.
Најлесен и најбрз начин е едноставно да ги измиете тиквичките, да ги исецкате и да ги ставите во кеси, а потоа во замрзнувачот.
Но, има повеќе опции, кои зависат од тоа за каков вид на јадење ќе ги користите подоцна.
Рендани тиквички – измијте ги, излупете ги и изрендајте ги тиквичките. Исцедете го вишокот вода од нив и наполнете ги кесите за замрзнувач. Вака замрзнати тиквички можете да користите за супи, пити, пасти …
Издлабени тиквички – Ако замрзнете тиквички за да ги полните подоцна, треба да ги издлабите и да ги ставите во кеси за замрзнување. Треба да знаете дека вака подготвените тиквички заземаат малку повеќе простор во замрзнувачот.
Тркалца од тиквички – Измијте ги тиквичките, исечете ги краевите и потоа сечете ги на подебелите тркалца заедно со кората. Тиквичките замрзнати на овој начин, кога ќе се одмрзнат, се погодни за похување.
Бланширање – Секој зеленчук може да биде термички обработен пред замрзнувањето, вклучувајќи ги и тиквичките. Ставете исечени тиквички на две минути во врела вода и потоа замрзнете ги.
Фото: Unsplash
