Авокадото се смета за една од најздравите намирници во светот. Содржи високи количини на калиум, што помага за намалување на крвниот притисок, а според американскиот Национален институт за срце, бели дробови и крв, еден од најдобрите начини за контрола на високиот крвен притисок е да консумирате доволно калиум. Можете да јадете авокадо во текот на целата година, а со дневната доза на калиум може да се снабдите јадејќи само половина од плодот што содржи 487 мг. Изберете авокадо кое е цврсто и тешко за својата големина, но благо податливо кога ќе се притисне.
Најдовме еден многу едноставен рецепт за вистински деликатес од авокадо и ореви.
Состојки:
2 авокада
прстофат магдонос
прстофат копар
прстофат рендан кромид или лук
1 чинија мелени ореви
2 чешниња лук
сок од 1/2 или 1 лимон (по избор)
сол
маслиново масло
мелени чили пиперки (по желба)
Приготвување:
Извадете ја содржината од авокадата и згмечете го. Додадете ги останатите состојки и убаво измешајте.
Ставете парче од цел орев на врвот како украс. Послужете го ова здраво и вкусно јадење од најздравите намирници на светот и уживајте.
Фото: Pixabey
