Состојки:
500 г брашно
200 мл црно крафт пиво (ако немате крафт пиво, можете да употребите и индустриско. Ние за среќа имавме едно заборавено длабоко во фрижидерот од нашиот пријател Марјан Костадиновски, производител на крафт пиво)
200 мл масло (најубаво е да бидат со путер или со маслиново масло)
1 лажичка сол
1 прашок за пециво
1 јајце
50 г пармезан
ким и/или сусам (по ваша желба)
Приготвување:
Замесете тесто од состојките, а пармезанот, семките и белката оставете ги настрана.
Откако ќе го замесите тестото, оставете го 10 минути да се одмори, а потоа развлечете го со помош на сукало, премачкајте го со белка и поросете со ким или со сусам (или со двете) и со пармезан.
Завиткајте ги во спирали и печете ги во загреана рерна околу 20 минути.
