Нашата читателка Лихнида Дамовска која веќе неколку години живее во САД, е уште една потврда на правилото кое вели дека, на оној што е гурман и што вистински ужива во храната, не му е тешко ниту да прави и да испробува рецепти. Напротив, ако треба, и на полноќ ќе засука ракави и ќе си направи нешто што му душа сака.
За нив, сите рецепти се едноставни, па така и овој.
Ќе испробаме па ќе провериме дали е навистина така, но и дали е вкусно како што изгледа.
Состојки:
200 г путер на собна температура
90 г кафеав шеќер
220 г просеано брашно
40 г какао
80 г ситно мелени бадеми
2 жолчки
За премачкување:
2 белки
крупен шеќер и грубо здробени бадеми
Приготвување:
Состојките се мешаат со шпатула или пак се замесуваат со рака, а тестото што ќе се добие се става врз хартија за печење, се израмнува со сукало во форма на правоаголник, потоа се витката со хартијата во ролат и се става во фрижидер на 1 час да се стегне.
Потоа се вади, се премачкува со двете белки што ви останаа, се валка во крупен шеќер и во бадеми и се пече на 170 степени околу 30-35 минути.
Кога ќе се испече, се остава малку да се излади па се сече на парчиња.
