Славната кинеска видео блогерка за храна подготви закуска за Кинеската нова година

Стотици илјади луѓе се обидуваат да отпатуваат од главниот град на Кина, Пекинг. Годината на свињата почнува утре (4 февруари) и милиони луѓе ќе ја дочекаат во кругот на своите семејства.

За многу Кинези кои работат во големите градови, овој национален празник познат и како „Пролетен фестивал“, е ретка можност да се упатат на долг пат и да им се вратат на своите семејства во руралните и оддалечени области на Кина. Од 4 февруари сите Кинези во Кина, но и ширум светот, ќе бидат на седумдневен одмор.

Во чест на Кинеската нова година, славната видео блогерка за храна на најпознатата кинеска интернетска страница Weibo, Ли Зикаи, која има 1 милион и 831.709 следбеници, подготви закуска која ќе им ја подари на своите најверни следбеници.

На листата на јадења што таа ги приготвува се:

Печени костени кои ги собира на планината и ги пече во печката што ја изградила самата. Кандирани глог бобинки на стапчиња (Бинг Танг Хулу). Сусам и бонбони од кикиритки. Сушено манго, говедско месо, печени семки од сончоглед, печени кикирики (ги пече со речен песок за да не загорат), палачинки со полнење, итн.

Инаку, Ли живее во Сечуан, Кина, област која се нарекува Земјата на изобилство бидејќи е исклучително богата и плодна. Велат, доволно е да се фрли семе и тоа ќе расте како лудо. Некои од намирниците што ги гледаме таму се непознати за нас.

Фото: Фејсбук