Состојки:
1 пакување готови кори
Сладок компир
Суви сливи
Суво грозје
Зејтин
Цимет
Сок од ½ лимон
1 лажица кафеав шеќер
1 ванилин шеќер
Приготвување:
- Изрендајте го слаткиот компир и ставете го во некој сад. Додадете ги кафеавиот шеќер и 1 кесичка ванилин шеќер, цимет и сок од лимон.
- Земете една кора, попрскајте ја со зејтин, ставете врз неа уште една кора, и неа попрскајте ја со зејтин, па ставете ја третата кора. Врз неа ставете дел од филот, неколку исечкани суви сливи и суво грозје по желба, па свиткајте ги корите во ролат.
- Повторете ја постапката додека не се потроши целиот материјал, наредете ги ролатите во подмачкана тепсија и попрскајте ги со вода.
- Печете околу половина час на 200 степени Целзиусови.
