Состојки:
2 тиквички
2 јајца
2 моркови или 1 поголем
1/2 кромид
малку лукче по желба
40 г пармезан
200 г брашно од наут (може и обично, ама поздраво е со брашно од наут…само смелете го наутот во блендер со оној дел со кој се мелат кафето и шеќерот)
1 лажица маслиново масло
сол, црн пипер, црвен пипер (по желба, може и лут)
Приготвување:
Излупете ги тиквичките, изрендајте ги и оставете ги барем пола час да постојат, а потоа исцедете ги од течноста што ќе ја пуштат.
Изрендајте ги и морковите и кромидот и едно чешне лук. Помешајте со тиквичките, додадете ги јајцата, пармезанот, брашното и зачините и измешајте се заедно.
Обликувајте ќофтиња и редете ги во тепсија со хартија за печење. Печете ги 20 минути на 200 степени, а потоа свртете ги и оставете да се допечат уште 5 минути и од другата страна.
