Нашата читателка Ана Радованац направила неделен ручек со намера половина да остане за следниот ден. Но бидејќи нели, компирите следниот ден не е добро да се јадат, половина од мусаката направила со свежа зелка и тиквички.
Освен месото и зелката која е ситно сечкана како за салата и треба да се пропржи, другите состојки (компирите и тиквичките) се редат свежи, само исечени на тркалца.
Состојки:
500 г мелено месо
доматен сос
1 кромид
1-2 моркови
звежа зелка
тиквица
компири
јогурт
3-4 јајца
Приготвување:
Се пропржуваат кромидот, морковите и месото на вообичаениот начин, се зачинува и се додава доматен сос.
Се пропржува и зелката, а потоа во голема тепсија, на едната половина се става како подлога зелката, а на другата тркалца свежи компири. Се истура смесата со месо, па редат врз зелката тиквиците исечени на тркалца, а врз делот со компири, повторно компири.
Се прелева со јогурт и со изматени јајца.
