За да го направите овој колач најдобро е да најдете органски лимони. Прашокот за пециво можеби и нема да ви треба ако ги изматите белките во пена. Дел од путерот пак можете да замените со урда. Можете да употребите и друго јаткасто овошје, но најдобро е со бадeми.
Состојки:
250 г путер на собна температура
200 г шеќер
6 јајца
50 г мелени бадеми
75 г брашно
150 г палента
4 лимони, сок и рендана кора
1 лажичка прашок за пециво
Шеќер во прав за поросување
Приготвување:
- Загрејте ја рерната на 180°C. Калапот за колачот премачкајте го со путер
- Ирендајте ги сите 4 лимони, исцедете го сокот и оставете ги настрана.
- Изматете ги путерот и шеќерот. Додавајте едно по едно јајце и добро измешајте. Додадете ги бадемите, брашното, пецивото, палентата, кората од лимон и лимоновиот сок и измешајте.
- Ставете ја смесата во калапот и печете околу 45 минути. Изгаснете ја рерната и оставете го колачот внатре уште 5-10 минути и дури тогаш отворете ја рерната и оставете го со подотворена рерна додека не се олади.
- Кога ќе се олади, поросете го со шеќер.
