Лутите пиперчиња можеме да ги подготвиме на многу различни начини, а меѓу другото, можеме и да ги исушиме. За да ви помогнеме, најдовме неколку практични совети за сушење лути пиперчиња.
Лутите пиперчиња не се само вкусен зачин кој на секое јадење му дава посебна арома, тие се богати и со хранливи вредности и како такви се многу здрави. Нивната подготовка и употреба варира од вкус до вкус, но едно е сигурно – без оглед на тоа како се подготвени, лутите пиперчиња освојуваат со нивниот вкус.
Сушењето лути пиперчиња станува сè попопуларно, особено поради фактот што може да се користи како зачин во разни јадења. Рокот на траење на сувите пиперчиња е многу подолг од оној на свежите, што ја поедноставува нивната употреба.
Како да се исушат?
За да биде успешно сушењето на чили пиперчиња, ни треба многу сонце и топлина. Без овие фактори, не може да има правилно и успешно сушење на зачините, вклучително и лутите пиперчиња.
Не е потребно да се отстранува семето пред да се исушат. Едноставно, наредете ги пиперките на конец под агол од 45 степени, а на самиот крај од конецот ставете мало парче дрво, чепкалка за заби и слично, за да не се лизга пиперката од конецот.
Бидете внимателни да не направите дупче во плодот бидејќи тоа може да биде влезната точка за мувлата. Закачете го венчето на засенчено, провевно место. Како што лутите пиперчиња се сушат, нивната боја ќе стане потемна. Времето на сушење не може да се предвиди, но повеќето се сушат до еден месец.
