Црвеното месо вклучува говедско, јагнешко, свинско и козјо млеко. Не е потребно комплетно да се исфрли црвеното месо од исхраната туку да се ограничи на 500 грама неделно. Околу 700 г сирово месо тежат отприлика пола килограм термички обработено. Јадењето поголема количина од наведеното може да се зголеми ризикот од ракот на црева.
Како изгледа внесувањето на оптимална количина на црвено месо?
Порција шпагети болоњезе содржат околу 140 г варено говедско.
Еден зготвен среден свински котлет има околу 90 грама.
Еден зготвен средно печен стек тежи околу 145 грама.
Црвеното месо е добар извор на протеини, но протеините можат да се добијат од многу други намирници како што се рибите, пердувестите животни, грав, леќа, тофу и јајца. Во Болоњезе црвеното месо може да се замени и со соја трошки или пак со печурки.
Преработеното месо се чува со чадење, сушење, солење или со додавање конзерванси. Треба да се избегнува преработено месо како што се салами, кренвишли, паштети, шунки, и тие можат да се јадат евентуално, повремено, а не секој ден. Хамбургерите и преработеното месо се сметаат како преработено месо ако се конзервирани во сол или ако им се додадени адитиви.
Влакната се клучни за здрави цреви
Влакната се важен дел од здравата исхрана и помагаат за намалување на ризикот од рак на црева. Влакната се од пресудна важност за редовно и уредно варење.
Постојат два вида влакна:
Топливи влакна (пектин), се наоѓаат во овошјето и зеленчукот и во процесот на варење создаваат вискозна маса која го штити целокупниот систем за варење од апсорпција на различни супстанции.
Нетопливи влакна (целулоза, хемицелулоза, лигнин) чиј извор се пченицата, мекињи, грав, соја поминуваат низ системот за варење речиси непроменети, но затоа имаат способност за апсорпција на вода со што помагаат за редовно празнење на цревата.
Пожелно е да се внесуваат најмалку 30 грама влакна секој ден. Внесот на храна богата со влакна придонесува за подолго чувство на ситост што помага и за намалување на телесната тежина. Освен што содржат влакна, зеленчукот и овошјето помагаат за заштита од рак на црева зашто содржат антиоксиданси, кои се материи кои помагаат за одложување или за спречување на оштетувањата на клетките.
Ако сакате да ја зголемите количината на влакна во исхраната, треба да го правите тоа постепено, особено кога станува збор за јаткасти плодови и грав. Ако утврдите дека премногу влакна предизвикуваат болка, гасови или надуеност, намалета ја количината и подоцна постепено зголемувајте за да се навикне организмот. Лицата со постоечки цревни болести или историја на рак на црева можеби нема да може да поднесе некои намирници богати со влакна па потребна е консултација со лекар.
Важно е да се биде хидриран
Секој ден мора да пиеме околу 1,6 до 2 литри течности (6 до 8 чаши) за да ја спречат дехидрацијата. Водата и чаевите се одличен избор. Потребно е да се избегнуваат слатки и газирани пијалоци, засладени лимонади, овошни сирупи со додадени шеќери, па и овошни сокови (една мала чаша овошен сок дневно е доволна). Влакната и водата се извонредна комбинација за добро здравје на цревата.
Треба да се одржува здрава телесна маса
Прекумерната телесна тежина или дебелина, особено во подрачјето на стомакот, може да го зголеми ризикот од рак на црева.
Се проценува дека 11 од 100 тумори на цревата (11%) во Велика Британија се поврзани со прекумерна тежина или со дебелина.
Мерењето на индексот на телесна маса (BMI) е едноставен начин да дознаете дали имате здрава телесна маса во однос на својата висина. Ако почнете да добивате на тежина задолжително преземете ги потребните мерки. Освен телесни активности еве уште неколку совети како да ослабнете:
Не ја преполнувајте чинијата и не ја полнете по вторпат. Ако сте уште гладни, земете некое овошје, најдобро е тоа да се некои бобинки.
Избегнувајте слатки напитоци и зашеќерени сокови.
Алкохолот содржи многу калории па треба да внимавате и на тоа.
Внимавајте и на дополнителните калории од кекси, колачи, чипсови. Наместо тоа, послужете се со овошје и зеленчук.
Поставете си некои цели и уживајте во успехот.
Препорачаниот дневен внес на калории е околу 2.000 дневно за жени и 2.500 калории за мажи. Но тоа е индивидуално и зависи од висината, возраста телесните активности и воопшто, од начнот на живот.
Фото: Pixabey
