Сигурно, како и повеќето луѓе денеска, и стари и млади, многу од вас ги измачува слабата меморија. Ако имате пример за тоа како ова изгледа подоцна во староста, кога деменцијата зема замав, сигурно ќе преземете нешто со време.
Во исхраната која ќе ви помогне во ова спаѓа храната која има протеини, добри масти, потоа цели житарки, овошје и зеленчук богати со антиоксиданси, антиинфламатори, препорачува д-р Мурали Дораисвами од Институтот за невролошки науки на Универзитетот Дјук.
А ние ви нудиме комплетно и современо мени за вашиот мозок.
Појадок: Јајце и цели житарки
Јајцата содржат холин, многу важен нутриент кој ги помага функциите на мозокот, а целите житарки се богати со влакна и го регулираат нивото на шеќер во крвта.
Ужина: Боровинки и 8 бадеми
Боровинките се богати со епикатехин кој ја подобрува крвната слика, расположението и го изострува вниманието. Бадемите пак, се богати со протеини и со влакна.
Ручек: 200 грама лосос со салата од грав
Лососот е полн со омега-3 масни киселини, кои одлично влијаат на менталното здравје. Гравот е полн со влакна кои ви се потребни за регулација на шеќерот во текот на денот.
Ужина: 2 реда црно чоколадо
Црното чоколадо (со најмалку 65% какао) е богато со флавоноиди, антиоксиданси кои ги подобруваат менталните функции, а содржи и малку кофеин кој ја подобрува концентрацијата.
Вечера: Зеленчук со кари и интегрален ориз
Ставете плав патлиџан, кромис, брокула, црвена и жолта пиперка во вок и извлечете го максимумот од антиоксидансите што ги поседуваат. Поросете со кари за антиинфламаторен ефект.
Ужина: една рака суви вишни и јогурт
Вишните се одличен извор на металонин – хормон кој ја регулира поспаноста, а јогуртот е богат со протеини и триптофан, аминокиселина која го опушта нервниот систем.
Фото: Pixabey
