Гравот со својот состав е супер замена за месо и веројатно е омилена храна на вегетаријанците во секој облик, и како салата и течно, и во тава, но нам ни е омилено последново. А кога во него ќе ставите и суво месо, суви везени пиперки и малку суво нане, па има ли подобра зимска гозба од оваа?
Состојки:
500 г грав
Суво месо по желба (ние ставивме суви ребра)
1 кромид
3 чешниња лук
Лут буковец по вкус
1 лажичка црвен пипер
Вегета, сол
Суво нане
Масло од тиква
Приготвување:
- Гравот е најдобро да се накисне во тенџере од вечер и сабајлето да го сварите во вода заедно со пиперките, кромидот и парчиња суво месо.
- Зачинете го по желба и префрлете го во тава. Додадете уште неколку пиперки затоа што овие ќе се распаднат во текот на варењето. Ставете нане и масло од тиква и печете околу 20 минути на 170 степени, односно, додека не испари водата.
