Рецептот за оваа бомба-торта со 13 јајца, многу чоколадо и ореви, а ниту трошка брашно, ни ја испрати госпоѓа Викторија Симиќ.
Состојки:
За тестото:
9 јајца
200 г ореви
200 г шеќер
150 г чоколадо
1 лажичка млеко
За филот:
4 јајца
250 г путер
200 г шеќер
150 г чоколадо
Приготвување:
- Изматете ги жолчките и шеќерот па додадете го растопеното чоколадо. Одделно матете ги белките додека не добиете цврсто шне кое потоа ќе го измешате со првата смеса. Се заедно ставете во калап за торта и печете во загреана рерна на 200 степени.
- Филот направете го такашто ќе го растопите путерот и ќе го изматите заедно со шеќерот, па ќе ги додадете растопеното чоколадо и четири цели јајца.
- Кога тестото ќе се испече оставете го да се излади па пресечете го на половина. Врз едниот дел ставете половина од филот, а одозгора и другата половина. Поросете со мелени ореви и украсете по желба.
