Од вчера (3.мај) до 10.мај, се одржува второто издание на Skopje Cocktail Week, настан кој се случува на иницијатива и во организација на Гемак – компанија која веќе 27 години е присутна на пазарот како ексклузивен партнер на светската компанија Diageo, како застапник на познатите брендови: Johnnie Walker, Smirnoff, Captain Morgan, Baileys, Bulleit whiskey, CIROC и Zacapa.
„Во текот на годината како компанија, организираме голем број на обуки за бармените низ Македонија, па и овој пат преку работилницата, ден пред да започне Skopje Cocktail Week, сакавме да ги информираме и едуцираме сопствениците на локалите и бармените за новитетите во сезоната што следува. Станува збор за избор за коктели кои се соодветни за служење во пролетно – летниот период. Оваа година покрај едукација на теми како што се: раководење на бар, однесување со гостите, беа понудени и теми за едукација: улогата на социјалните медиуми при промовирање на содржините во еден бар и улогата на квалитетно креирано мени.
Драго ни е што сопствениците и бармените на локалите се сѐ повеќе заинтересирани за нашите обуки и за развој на коктел културата. Во услови на динамичен пазар и голема конкуренција на локали, сопствениците секогаш се трудат да бидат поинави во поглед на својата понуда. На овој начин ние им даваме поддршка за да успеат во својата намера“, велат од компанијата.
Во рамките на настанот ќе бидат опфатени вкупно 12 локали во кои посетителите ќе може да нарачаат и да вкусат избор од 7 коктели. Дополнително, гостите ќе имаат можност да добијат интересни подароци од промотивниот тим на Skopje Cocktail Week.
