Наместо нездрави чипсови, соленки и други намирници по кои посегаме помеѓу оброците, овојпат пробајте нешто сосема поинакво.
Иако она што грицкаме помеѓу оброците обично изобилува со масти, сол и калории, постојат некои домашни варијанти за здрави грицки кои се нивна целосна спротивност. А згора на тоа – не се ништо помалку вкусни.
Состојки:
2 шолји замрзнат грашок
1 лажица масло
Сол
Црвен мелен пипер (но слободно можете да ставите и некои други зачини како рузмарин, ким, чили, кари, лук или нешто друго)
Приготвување:
Одмрзнете го грашокот, па ставете го на кујнска крпа добро да се исуши.
Зачинете го, додадете масло и доро измешајте го.
Ставете го грашокот врз хартија за печење во тепсија (во еден слој) и печете околу 30-40 минути на 180 степени со повремено мешање.
Кога е печен, грашокот треба да биде крцкав.
