Вратата што ја гледате на фотографијата се наоѓа во познатиот португалски манастир Алкобаса. Станува збор за едно од 7 -те „чуда на Португалија“ и место кое е под заштита на УНЕСКО, а приказната за оваа необична врата започнува во 18 век кога свештениците што живееле во манастирот, стекнале навика да уживаат во храната.
Откако било забележано дека станарите добиваат на тежина, било воведено едно едноставно правило – дневните оброци мора да се консумираат во манастирската кујна, а во неа се влегува преку вратата на фотографијата. Околу 2 метри висока и само 32 сантиметри широка вратата служела како еден вид на диета затоа што сите оние кои биле премногу дебели и не можеле да поминат низ вратата едноставно немале пристап до храна додека не изгубат неколку килограми.
Добра идеја, нели?
