Состојки:
За тесто:
450 г меко брашно и сол на врв од ножот
2 рамни лажици сода бикарбона
3 рамни лажици ѓумбир
1 лажиче цимет
250 г маргарин
200 г кафен шеќер
2 јајца
За декорација:
200 г шеќер во прав
1 белка
1 лимон
Приготвување:
1. Во подлабок сад се става маргаринот, кафеавиот шеќер и јајцата, па се матат со миксер.
2. Во изматената маса се додаваат брашното, сол, ѓумбир, цимет и сода.
3. Се замесува тесто и се расвлекува на кора со дебелина од 1,5 цм.
4. Со модли за колачи се вадат саканите облици. Тепсијата се обложува со хартија за печење па се редат медењаците и се печат на 150 ˚Ц околу 10 минути.
5. Додека медењаците се печат, се приготвува смесата за декорација. Белките добро се матат, па постепено се додава шеќер во прав и сок од лимон за да се добие изедначена смеса.
6. Смесата се става во вреќичка за филување и се декорираат медењаците.
Напомена: по желба можете да ги украсите и со шарени трошки или бонбончиња.
