Еве одличен рецепт за мајонез без јајца кој благодарение на индиските ореви ќе биде кремав баш како и секој мајонез.
Состојки за домашен вегански мајонез:
150 г индиски ореви
1/2 лимон
1 чешне лук
2 лажици маслиново масло
вода
сол
Приготвување:
Исцедете го лимонот, исечкајте го чешнето лукче ситно и ставете го заедно со маслиновото масло во блендер. Потоа додадете ги индиските ореви и сол, мешајте во блендер околу 1 минута со повремено додавање вода додека не се добие кремава смеса.
Ви претставуваме уште еден рецепт за подготовка на домашен мајонез со јајца – значи, не е вегански, но е сепак домашен.
Состојки за домашен мајонез со јајца (невегански)
1 јајце
1 лажичка сенф
1 лажичка јаболков оцет
црн пипер
сол
250 мл масло (или повеќе ако е потребно)
Приготвување:
Земете чист сад и ставете ја жолчката во него, потоа додадете сенф, оцет, црн пипер и промешајте со миксер, потоа полека додавајте масло. Мешајте ја смесата додека не почне да станува густа, а доколку е потребно додадете повеќе масло за да ја направите смесата што е можно поцврста.
Потоа, одделно измешајте ја преостанатата белка од јајцето со малку сол, и додадете ја оваа смеса во подготвениот мајонез. Прво измешајте полека со лажица и потоа продолжете со миксер додека не се спојат убаво двете смеси.
Вака подготвениот мајонез можете да го користите како сакате, има одличен вкус и треба да го чувате во фрижидер. Може да стои 7 дена.
Фото: Unsplash
