Не е спорно дека лукот е еден од најпопуларните и најздрави производи кој се препорачува како средство за намалување на крвниот притисок, за намалување на холестеролот, па и како превентива и лек за настинка. Но дали некогаш сте се запрашале од каде доаѓа лукот и што се случува со него од моментот кога ќе биде извлечен од земјата до моментот кога ќе се најде на нашите полици?
Доколку не знаете, повеќе од 80 проценти од лукот што се продава ширум светот, доаѓа од Кина. Само во Америка минатата година биле увезени околу 62 милиони килограми лук од Кина, а според порталот healinglifeisnatural, од Кина потекнува дури и лукот кој се продава како органски, што пак, од друга страна, кога станува збор за Кина, не е за верување.
Според Хенри Бел, извршен директор на австралиската асоцијација на производители на лук, лукот што се произведува во Кина содржи хемикалии со кои се спречува неговото р‘тење, хемикалии со кои се избелува, и метил бромид со кои се уништуваат сите можни штетници и бубачки. Метил бромидот пак е исклучително токсична хемикалија и изложеноста на високи концентрации на оваа хемикалија можат да предизвикаат сериозни оштетувања на респираторниот и на нервниот систем, па дури и да доведат до смрт.
Освен овие, лукот увезен од Кина содржи и други штетни компоненти па следниот пат кога во продавница ќе посегнете по лук, запрашајте се од каде доаѓа. За среќа, лукот од Кина лесно се разликува од домашниот, со тоа што нашиот лук има остатоци од коренчињата на дното и е потежок од кинескиот…и, се разбира, не е толку бел.
