Само една рака семки од тиква дневно ќе ве снабди со здрави масти и минерали кои му се потребни на нашиот организам.
Семките од тиква се извонреден извор на цинк, фосфор, манган, магнезиум и железо. Дури 20 отсто од овие семки се протеини.
Најголемата концентрација на цинк се наоѓа во тенкиот слој кој семката ја дели од лушпата, па нутриционистите советуваат семките од тиква да се јадат цели – сосе лушпа.
Семките се богати со витамин Е во неколку различни форми. Витаминот Е во ваквите форми делува како силен антиоксиданс кој помага во борбата против слободните радикали кои се виновни за развој на повеќе болести.
Семките од тиква се одличен извор на масната киселина омега 3. Омега 3 е неопходна за многу телесни функции – вид, способност за помнење, координација, регулација на нивото на холестерол, подобрување на имунитетот и расположението.
Покрај омега 3, семките содржат и омега 6 масна киселина која се наоѓа и во бадемите и лешниците, а е одлична за подобрување на имунитетот.
Во 100 грама семки од тиква има дури 540 килокалории. Затоа консумирајте ги овие здрави плодови секојдневно, но само по една рака.
Поради изобилието на незаситени масни киселини, витамини, особено витамини, минерали и многу други корисни состојки во траги, семките од тиква се на самиот врв на здравствено препорачливи намирници. Освен тоа, тие спаѓаат помеѓу најздравите грицки, многу се вкусни и можат да се употребат во најразлични комбинации.
Семките од тиква во многу рецепти многу лесно можат да ги заменат другите, па и оние најскапите семки како што се ф’стаците и пињолите. Тоа е лесно да се докаже на примерот на пестото џеновезе.
Ова песто вклучува пињоли, но семките од тиква се повеќе од добра замена. Тие се инспирација за бројни слични варијации на овој сос.
Песто од семки
Состојки:
1 лажица пињоли
1 лажица сончогледови семки
1 лажица семки од тиква
1/2 лажичка толчено луто пиперче
1/2 чешне лук, излупено и исечкано на тенки парченца
Химелајска сол
Црн пипер
2 лажици маслиново масло
Приготвување:
На тава без масло пропржете ги малку сончогледовите и семките од тиква.
Ставете ги во блендер лукчето, пиперчето, пињолите, пропржените семки, сол и црн пипер. Додадете и маслиново масло и сѐ заедно соединете. Овој сос слободно додавајте го во супи и варива, збогатете ги салатите или прелијте ги прелијте ги преку ориз.
Фото: Pixabey
