Добра вест е тоа што научниците и лекарите сугерирале дека е корисно, па дури и неопходно да се јаде во вечерните часови. Сепак, за да се избегне чувството на прејадување и можни проблеми со стомакот и зголемување на телесната тежина, важно е мудро да изберете што ќе јадете, земајќи ја предвид секако и големината на порцијата.
Јајца
Јајцата се извор на целовити протеини кои содржат есенцијални аминокиселини и брзо даваат чувство на ситост. Најдобар избор се тврдо варени јајца. Омлетите се исто така добра опција за вечера, но само ако ги готвите со минимална количина масло (или воопшто да нема масло).
Сирење и грозје
Мала порција сирење има само околу 100 калории, и носи многу придобивки во форма на триптофан, протеини и казеин. Особено, казеинот може да ви помогне да се чувствувате позадоволни и е добро за здравјето на мускулите ако го земате пред спиење. Неколку зрна грозје, кои се богати со мелатонин, можат да имаат корисен ефект врз сонот.
Мисиркино месо
За луѓето кои претпочитаат потежок оброк, можеме да кажеме дека мисирката е вистински магацин на триптофан и здрави протеини. Подобро е да го изберете овој производ наместо пилешко, бидејќи е полесно за варење.
Хумус со стапчиња од зеленчук
Основата на ова јадење е наутот кој е богат со витамин Б6 што е важен за синтезата на серотонин. Ако се одлучите за ужина доцна во ноќта, најдобриот додаток на ова јадење се стапчињата од краставица, тиквички или морков.
Варена пченка
За ужина доцна во ноќта, подобро е да изберете варена пченка наместо конзервирана. Овој производ може да помогне во отстранувањето на вишокот на холестерол од телото. И запомнете, не додавајте премногу сол.
Риба
За доцна вечера, подобро е да се одлучите за мрсна риба која е богата со хранливи материи како омега-3 масни киселини познати по нивната способност да ги разградуваат мастите. Протеините кај рибите се исто така добри за метаболизмот.
Фото: Pexels
