Овие вегетаријански бургери со леќа, моркови и цвекло се уште еден вкусен начин да се искористи пулпата која останува по цедењето сок, ама ако немате соковник, во бургерите можете да ставите и рендани цвекло и морков.
Состојки:
1 – 1 ¼ шоља моркови и цвекло од соковник
1 шоља сварена леќа (кафена), исцедена од течноста
⅓ шоља сончоглед
⅓ шоља ситно сечкан кромид
1 – 2 лукчиња, истолчени или ситно исецкани
20-тина мали ливчиња рукола
свеж босилок
свеж магдонос
сол, бибер
½ лажиче црвен пипер
1 лажиче куркума
½ лажиче мелен коријандер
1 лажица масло од сусам
Приготвување:
Испасирајте ја малку леќата. Проверете да не има парчиња моркови или цвекло во она што останува кога ќе ги исцедите за сок и крупните отстранете ги.
Помешајте ги сите состојки со вилушка или со рака. обликувајте ја смесата во плескавици, наредете ги на голема чинија и ставете ги во фрижидер барем половина час.
Загрејте ја рерната на 200°C и печете ги плескавиците околу 20-30 минути.
Одлично одат со лут чили сос срирача и сирење.
Фотографијата и рецептот се од ТУКА.
