Брокулата е практично неспоредлива меѓу сите намирници кога станува збор за заштита од рак. Моќните фитонутриенти не само што помагаат во неутрализирање на канцерогените материи, туку и стимулираат ензими за детоксикација кои му помагаат на телото да се ослободи од рак и други штетни токсини
Женско здравје
Индол-3-карбинол, соединение кое се наоѓа во брокулата, е особено важно за здравјето на жените: докажано е дека го намалува ризикот од рак на дојка, рак на грлото на матката и помага во спречување на ширењето на постојниот карцином. Овој зелен зеленчук е исто така еден од најбогатите извори на флавоноидниот каемпферол, за кој се покажало дека е моќен заштитник од рак на јајниците.
Брокулата е богат извор на фолати, витамин Б кој е потребен за создавање и заштита на ДНК, создавање на крв, клетки и синтеза на протеини. Фолатот е една од најважните хранливи состојки за бремени жени, бидејќи го поддржува правилниот развој на нервниот систем на фетусот. Бројни студии го поврзуваат дефицитот на фолати со депресијата и со оглед на тоа што жените страдаат од неа двојно повеќе од мажите, несомнено е дека брокулата е важна за менталното здравје на жените.
Зголемувањето на нивото на фолати може да го зголеми нивото на серотонин и да ги намали симптомите на депресија. Како природен диуретик, брокулата помага во намалување на надуеноста и задржувањето на водата поврзани со предменструалниот синдром.
Фото: Pixabay
