Лукот е совршен додаток на многу јадења, но исто така обезбедува и низа здравствени придобивки благодарение на неговите моќни антиоксидантни својства. Медот, од друга страна, има богат вкус, а витамините и минералите содржани во природниот мед помагаат во намалување на нивото на холестерол.
Лукот штити од настинка
Лукот содржи соединение познато како алицин, за кое се смета дека помага во намалување на нивото на холестерол, спречува згрутчување на крвта и се покажа дека има антиканцерогени својства и антимикробно дејство. Во исто време, лукот е нискокалоричен, но содржи многу хранливи материи, манган, витамин Б6, витамин Ц, селен и растителни влакна. Едно истражување открило дека секојдневната консумација на лук го намалува бројот на настинки за 63 проценти, а истовремено го намалува и просечното времетраење на симптомите на настинка за 70 проценти.
Природниот мед содржи над 100 важни состојки за организмот
Од друга страна, природниот мед е полн со антиоксиданти, ензими и минерали, вклучувајќи железо, цинк, калиум, калциум, фосфор, магнезиум и селен. Исто така, содржи витамин Б6, тиамин, рибофлавин и ниацин. Медот, поради неговата леплива конзистентност помага да се намали иритацијата на мукозната мембрана на грлото. Го подобрува дигестивниот систем и ги отстранува слободните радикали од телото, а со тоа ја подобрува имунолошката функција.
Факт е дека медот содржи најголем процент на едноставни шеќери: фруктоза и гликоза, но за разлика од обичниот шеќер и пченкарниот скроб, кои во основа се празни калории, медот обезбедува над 100 важни состојки за организмот. И покрај екстремната слаткост, просечниот гликемиски индекс на медот е околу 55, а тој број укажува на умерен гликемиски индекс.
Фото: Pexels
