Пињолите имаат пријатен и благ вкус, може да се јадат сирови, но најчесто се додаваат како зачин во салати, во јадења со месо, но и во многу слатки. Богати се со хранливи материи, влакна и витамини А, Ц, Д, Е и особено со минерали како калиум, фосфор, магнезиум, калциум, железо, манган, цинк и бакар.
Масло од пињоли
Со обработка на семето, се добива масло богато со линолеинска киселина, што помага при проблеми со артериосклероза и висок крвен притисок. Покрај тоа, многу успешно се користи како лек против анксиозност, туберкулоза, нарушување на мочниот меур, на работата на бубрезите, чир на желудник, како и при контрола на телесната тежина.
За зајакнување на имунолошкиот систем
Манганот во пињолите помага во одржување на хормоналната рамнотежа, додека цинкот го поддржува имунитетот и помага во заздравување на раните, такашто може да се констатира дека се одлични за зајакнување на имунитетот. Само 28 грама ќе ја обезбедат дневната потреба на човечкиот организам за цинк и манган.
Против дебелината
Пињолите содржат многу повеќе протеини отколку другите јаткасти плодови и испраќаат сигнал до мозокот дека стомакот е полн и со тоа го забавува неговото празнење. На тој начин, вашето тело ќе биде исполнето подолг временски период и нема да бара нови резерви на храна.
Здравје и енергија
Овие прекрасни семиња се одлична закуска. Железото со кое се збогатени има клучна улога во складирањето и транспортот на кислород, додека магнезиумот во нив ги поттикнува клетките да произведат енергија потребна за нормално функционирање на целото тело.
За поздрава кожа
Пињолите содржат витамин Е кој ја штити кожата од УВ зраци. Тие ги неутрализираат слободните радикали кои предизвикуваат оштетување на колагенот, сувата кожа и настанувањето на брчките. Во комбинација со протеините, тие ја штитат кожата од пукање.
Коса без оштетени краеви
Доволно е да јадете до 30 грама пињоли на ден и вашата коса ќе биде негувана и без испукани врвови. Имено, овие плодови се богати со витамин Е, кој го поттикнува производството на кератин, кој ја штити косата од УВ зраци и оштетување.
Фото: Pixabay
