Лебот подготвен на овој начин е многу подобар за вашето варење. Лебот не треба да се крева или долго да се меси, а резултатот ќе ве изненади.
Состојки:
300 г брашно
2 дцл вода
1 кесичка прашок за пециво
1 лажица масло
1 лажичка сол
Приготвување:
Вклучете ја рерната на 200°С.
Во сад во кој ќе го месите тестото ставете 300 г брашно, 1 кесичка прашок за пециво и 1 лажичка сол и измешајте.
Во средина, раздвојте ги состојките и ставете 2 дцл млака вода и 1 лажица масло.
Почнете да ги мешате состојките од средина, полека зафаќајќи сѐ повеќе брашно. Замесете меко тесто, но не го месете предолго, бидејќи тоа ќе стане тврдо, а лебот ќе биде набиен.
Обликувајте го лебот и засечете го на врвот со влажен нож.
Ставете го во тепсија за печење и печете на 200°C околу 45 минути.
Изладете го лебот и послужете.
Фото: Pexels
