Јаболката се вистинско есенско уживање, иако можат да се најдат речиси цела година. Од пита до штрудла, јаболката се составен дел од многу вкусни јадења, но има еден проблем – брзо се расипуваат.
Норма Шулц, фармер и експерт за овошје и зеленчук, открива за порталот Food & Wine како се чуваат јаболката за да се продолжи нивниот рок на траење.
Вистинскиот избор
Колку е помало јаболкото и колку е подебела кожата, толку подолго ќе трае. Исто така, трпките јаболка траат подолго од послатките јаболка.
Најдобро јаболко долго време е Granny Smith, трпко јаболко со дебела кора што може да трае до четири месеци.
Обрнете внимание на изгледот
Едно лошо јаболко може да ги уништи останатите добри.
Ако јаболкото има и мала модринка, гасот етилен се ослободува побрзо, а потоа се околу него скапува побрзо и се расипува. Затоа, важно е да обрнете внимание на изгледот на јаболката и кога ќе забележите дека едно почнува да гние, извадете го и изедете го пред да се расипе.
Правилно складирање
До прерано расипување на јаболката може да доведе ако се чуваат близу до други плодови. Се акумулира етилен, што го забрзува расипувањето, па затоа би било најдобро да ги држите подалеку од, да речеме, банани и грозје.
Температура
Процесот на расипување, исто така, ќе се забави со ниската температура, па ако не планирате да ги јадете јаболката во рок од неколку дена, не ги чувајте на отворено.
Постудените температури и темнината и влажноста се клучни за долговечноста. Вашата фиока за фрижидер е идеална – јаболките таму ќе траат околу две до три недели. Ако немате простор во фиоките, слободно можете да ги завиткате и да ги чувате во подрум или во гаража.
